Den nos entrevista cu Christie Mettes -Co-Founder di Plastic Beach Party nos a tene un entrevista super interesante over con bo por haci un negoshi na Aruba cu tin un meta social of un meta pa yuda contribui na nos medio ambiente.
Den nos entrevista Christie a splica nos con importante eta pa nos cuminsa recycla. Ta asina cu plastic no ta bai, e no ta biodegrada. Plastic ta keda cu nos pa 500 aña, loke nos a produci na aña 1950 ainda tei cu nos. Esaki ta haci plastic un problema mundial y uno cardinal pa resolve.
Plastic Beach party a cuminsa pa "tackle" e problema aki na Aruba door di lanta un negoshi cu ta tuma bo plastic y ta recycla esaki den various producto nan.
Christie a conta nos cu pa na Aruba e cultura no ta un barera pero mas bien e "red tape" y tiki informacion cu tin pa entrepreneurs cu kier cuminsa un negoshi cu un meta social.
E number one tip pa cuminsa un negoshi social ta:
1. Traha un business model pa bo negoshi
2. Sea honesto y midi y wak si tin un demanda pa bo producto
3. Test, test y test y adapta bo producto na e nececidad di e mercado
4. Cuminsa cu e negoshi y asina proteha nos medio ambiente.
Pa mas informacion di Plastic Beach party y con abo por recycla bishita:
https://www.plasticbeachparty.com/
https://www.facebook.com/plasticbeachparty
https://www.instagram.com/plasticbeachparty/